Gh’è una cà
che la domina ul lagh
circundada da pen e ciprèss,
la faciada culur da la crema
e i pitür a paran da sangh.
A ma brilan i öcc quan’ca passi
e ma par de vedèla surid.
La ma dess che l’è stüfa
da restà sempar müta,
senza gnanca un amis
o bagai che vusa par i scall
e sa curan adree.
La ma dess
che la vèd anca ul Dòmm
i batei che fann scalo,
i personn.
Ul padron che ’l vegn fö da Milan
al manegia ul cancèll düü vòlt l’ann.
Cun la sua bèla machina russa,
ul cavall in söl còfan
ul mutur che ’l rugess.
Forzi un dé podaruu
sbaratatt i persiann e i finèstar
e mandatt ul calur dal mè cör,
regalatt un “roseto”
e setass söi banchètt da ciment.
Forzi un dé!!!???
- (Giuliana Anzani) -
Traduzione, dal dialetto in italiano:
C’è una casa/
che domina il lago/
circondata da pini e cipressi,/
la facciata colore della crema/
e le decori sembrano sangue./
Mi brillano gli occhi quando passo/
e mi sembra di vederla sorridere./
Mi dice che è stufa/
di restare sempre muta,/
senza nemmeno un amico/
o bambino che grida per le scale/
o si rincorrono.
Mi dice /
che vede anche il Duomo/
i battelli che fanno scalo,/
le persone./
Il padrone che arriva da Milano/
apre il cancello due volte l’anno./
Con la sua bella macchina rossa,/
il cavallino sul cofano/
il motore che ruggisce./
Forse un giorno potrò/
spalancarti le persiane e le finestre/
e mandarti il calore del mio cuore,/
regalarti un roseto/
e sedermi sulle panchine di cemento./
Forse un giorno!!!???
da Giuliana Anzani - (Albavilla - CO)
.
Nessun commento:
Posta un commento